संभाजी देवरे
नरडाणा, ता. शिंदखेडा :
परमपूज्य संतसदगुरू श्री. बलजीतसिंहजी महाराज यांच्या पावन जन्मदिवसानिमित्त विश्व रुहानी मानव केंद्र, नवानगर शाखा - नरडाणा यांच्या वतीने भव्य मेडिकल शिबिर सप्ताह सुरू करण्यात आला आहे.
या सप्ताहाअंतर्गत २५ ऑक्टोबर ते ३१ ऑक्टोबर २०२५ या कालावधीत विविध गावांमध्ये मोफत वैद्यकीय तपासणी व उपचार शिबिरांचे आयोजन करण्यात आले आहे. या उपक्रमाचा उद्देश ग्रामीण भागातील नागरिकांना आरोग्यविषयक सेवा सहज उपलब्ध करून देणे हा आहे.
कार्यक्रमाचे वेळापत्रक पुढीलप्रमाणे आहे :
• २५ ऑक्टोबर २०२५ – खलाणे
• २६ ऑक्टोबर २०२५ – गोराणे
• २७ ऑक्टोबर २०२५ – नरडाणा
• २८ ऑक्टोबर २०२५ – वारूळ
• २९ ऑक्टोबर २०२५ – पाष्टे
• ३० ऑक्टोबर २०२५ – अजंदे
• ३१ ऑक्टोबर २०२५ – कमखेडा
🕙 वेळ: सकाळी १० ते दुपारी ४
पहिली तीन शिबिरे — खलाणे, गोराणे आणि नरडाणा — ही अत्यंत यशस्वीरीत्या पार पडली असून, शेकडो नागरिकांनी मोफत आरोग्य तपासणीचा लाभ घेतला आहे.
📢 उद्या, २८ ऑक्टोबर रोजी वारूळ येथे महादेव मंदिर परिसरात भव्य मेडिकल कॅम्प आयोजित केला जाणार आहे.
संघटनेतर्फे सर्व गावकऱ्यांना आवाहन करण्यात आले आहे की त्यांनी या शिबिराचा जास्तीत जास्त लाभ घ्यावा.
या उपक्रमासाठी एल. एम. टी. सदस्य व विश्व रुहानी मानव केंद्राच्या स्वयंसेवकांनी उत्साहाने सहभाग घेतला असून, समाजसेवेच्या माध्यमातून आरोग्य जनजागृतीचा संदेश दिला जात आहे.
🌿 — लोक न्यूज : विश्व रुहानी मानव केंद्र, नवानगर शाखा (नरडाणा)