अमळनेर : अल्पवयीन मुलीशी विवाह करून तिच्याशी शारीरिक संबंध करून ती पाच महिन्याची गर्भवती राहिल्याने अमळनेर तालुक्यातीलत भिलाली येथील महिलेच्या पती विरुद्ध आशा वर्कर च्या फिर्यादीवरून बलात्काराचा गुन्हा दाखल झाला आहे. विवाह जरी संमतीने झाला असला तरी पतीला कायद्यामुळे त्रास होणार आहे*
धुळे जिल्ह्यातील नरव्हाळ येथील आशा वर्कर नलिनी कैलास गवळी ही गरोदर मातांची नोंदणी करीत असताना भवानी नगर मध्ये एका इसमाने सांगितले की माझी मुलगी पाच महिन्यांची गरोदर आहे. तिची नोंदणी करून घ्या. आशा वर्कर ने तिच्यासह गरोदर महिलांना सिव्हिल हॉस्पिटल धुळे येथे सर्वोपचार केंद्रात नेले. तिला डॉक्टरांनी तपासले असता ती १६ वर्षाची असल्याचे सांगितले. त्या मुलीला विचारपूस केली असता तिच्या आई वडिलांनी तिचे लग्न एक वर्षांपूर्वी भिलाली ता अमळनेर येथील समाधान कैलास सोनवणे याच्याशी करून देण्यात आला होता. व त्याच्याशी शारीरिक संबंध झाल्याने ती गर्भवती झाल्याचे सांगितले. आशा वर्कर ने मुलीच्या आई वडिलांना घेऊन मोहाडी पोलीस स्टेशन धुळे येथे पोक्सो कायदा कलम ४ , ८ तसेच भारतीय न्याय संहिता कलम ६४ (२) (१) ,६४ (२)(एल) प्रमाणे समाधान सोनवणे विरुद्ध गुन्हा दाखल करण्यात आला. शून्य नंबर ने तो अमळनेर तालुक्यातील मारवड पोलीस स्टेशनला वर्ग करण्यात आला असून तपास पोलीस उपनिरीक्षक विनोद पवार करीत आहेत. अजूनही समाजात बालविवाह बाबत नागरीक जागृत होत नाहीत.