‘सोलोनॉय’ नावाचे अॅप डाउनलोड करण्यास सांगून संशयितांनी सुरुवातीला कमी रकमेवर नफा दाखवून विश्वास संपादन केला. पहिल्या टप्प्यातील गुंतवणुकीवर सुमारे १ लाख ४३ हजार रुपयांचा नफा खात्यात दाखवण्यात आला. त्यामुळे विश्वास बसल्यानंतर आरोपींनी टप्प्याटप्प्याने मोठी रक्कम गुंतवण्यास भाग पाडले.
झाशी प्रवीण पाटील नावाच्या महिलेने व तिच्या साथीदारांनी विविध मोबाईल क्रमांकांवरून संपर्क साधत सतत अधिक गुंतवणुकीचा दबाव टाकला. त्यांच्या सांगण्यावरून डॉ. शिंदे यांनी आपल्या खात्यातून एकूण १ कोटी ६५ लाखांहून अधिक रक्कम ऑनलाईन व्यवहारातून पाठवली. मात्र नफा तर दूरच, मूळ रक्कमही परत न मिळाल्याने फसवणूक झाल्याचे स्पष्ट झाले.
याप्रकरणी डॉ. अनिल नथू शिंदे यांनी सायबर पोलीस ठाण्यात तक्रार दाखल केली असून संशयितांविरुद्ध गुन्हा नोंद करण्यात आला आहे. सायबर पोलिसांकडून पुढील तपास सुरू आहे.