अमळनेर, : राष्ट्रवादी काँग्रेस पार्टीच्या वतीने आज अमळनेर शहरात भव्य अल्पसंख्याक मेळाव्याचे आयोजन करण्यात आले आहे. हा मेळावा आज शुक्रवार, दि. 7 नोव्हेंबर रोजी दुपारी 3.30 वाजता छत्रपती शिवाजी महाराज नाट्यगृह येथे पार पडणार असून, या मेळाव्याचे अध्यक्षस्थान माजी मंत्री तथा आमदार अनिल भाईदास पाटील भूषविणार आहेत.
मेळाव्याचे प्रमुख आकर्षण म्हणून राज्यातील अल्पसंख्याक समाजाचे नेते आ. सना मलिक, माजी आ. जिशान बाबा सिद्दीकी, माजी आ. फारूक शाह, अल्पसंख्याक समाजाचे युवा नेतृत्व नजीब मुल्ला तसेच राष्ट्रवादी काँग्रेस अल्पसंख्याक विभागाचे प्रदेशाध्यक्ष ऍड. नाझेर काझी यांच्या उपस्थितीने कार्यक्रमाची शोभा वाढणार आहे.
या मेळाव्यास राष्ट्रवादी काँग्रेस पार्टीचे जिल्हाध्यक्ष संजय पवार तसेच जिल्ह्यातील आणि तालुक्यातील विविध पदाधिकारी व नेतेमंडळी उपस्थित राहणार आहेत. मेळाव्याची सर्व तयारी पूर्ण झाली असून शहर व तालुक्यातील मुस्लिम समाज बांधवांना विशेष निमंत्रण देण्यात आले आहे.
या पार्श्वभूमीवर राष्ट्रवादी काँग्रेस पार्टीचे तालुका अध्यक्ष भागवत पाटील, शहराध्यक्ष मुक्तार खाटीक, राष्ट्रवादी अल्पसंख्यांक विभागाचे तालुका अध्यक्ष अलीम मुजावर व शहराध्यक्ष कलीमोद्दीन एल. शेख यांनी सर्व मुस्लिम समाज बांधव, राष्ट्रवादी काँग्रेसचे पदाधिकारी, कार्यकर्ते तसेच अमळनेर शहर व तालुका विकास आघाडीच्या सर्व घटकांना मेळाव्यास उपस्थित राहण्याचे आवाहन केले आहे.
